Кӯчактарин Қуръони чопии дунё рӯнамоӣ мешавад
Ба гузориши хабарнигори ИКНА, ҳамзамон бо охирин рӯзи чиҳилумин давраи мусобиқоти байналмилалии Қуръони Эрон аз кӯчактарин Қуръони чопии мавҷуд дар Эрон, ки байни 150 то 200 сол қабл чоп шудааст тайи маросиме рӯнамоӣ хоҳад шуд.
Ақил Рафеӣ, дорандаи ин Қуръон дар ҳошияи чаҳорумин рӯзи мусобиқоти байналмилалии Қуръони Эрон дар гуфтугӯ бо хабарнигори ИКНА, гуфт: ин Қуръони Каримро ҳудуди 20 сол қабл аз падарам ҳадия гирифтаам, ишон ҳам ин китобро аз амуи худашон ҳадия гирифта буданд.
Вай бо ишора ба инки насаби мо ҳама рӯҳонӣ ва дар истилоҳи қадим «мулло» будаанд, афзуд: дар гузашта ба касоне, ки саводи қуръонӣ доштаанд, мулло хитоб мешудааст. Ин афрод саводи хондан ва навиштан надоштанд, аммо метавонистанд Қуръонро бихонанд ё истилоҳан саводи қуръонӣ будаанд.
Рафеъ тасреҳ кард: ин Қуръон аз наслҳо қабл ба дасти ман расида ва аз ҳудуди бист сол қабл аз он муроқибат мекунам. Бар асоси ташхиси коршиносони ин Қуръон 150 сол қидмат дорад. Бар асоси ончи шунида шудааст аз ин китоб 10 нусха дар Миср чоп шуда ва дар ҳоли ҳозир танҳо нусхаи мавҷуди ҳамин Қуръон аст, ки қарор аст, рӯнамоӣ шавад.
Вай дар мавриди вазъияти нигаҳдории ин Қуръон, изҳор кард: ин Қуръон аз қадимулаём дар як маҳфазаи филезии нуқраоӣ маҳфуз буда ва яке аз далоиле, ки то кунун маҳфуз монда ва варақаҳои он солим мондааст нигаҳдорӣ дар ҳамин маҳфаза аст. Албатта ҷилди ин Қуръон мавҷуд нест.
Рафеъ дар посух ба ин савол, ки қасди эҳдои ин Қуръон ба музаро доред ё онро нигаҳдорӣ хоҳед кард? Гуфт: тасмим гирифтаам то ба вазифаи худам дар нигаҳдорӣ аз ин Қуръон идома диҳам.
